Khud apney liye beth ke sochein ge kisi din
yun hai ke tujhey bhool ke dekhein ge kisi din
Bhatkey hoye phirtey hain kayi lafz jo dil main
Duniya ne diya waqt tu likhein ge kisi din
Hil jayein ge ek bar tu arshoon k darobaam
Ye khak nashen log jo bolein ge kisi din
Aapas ki kisi baat ka milta hi nahi waqt
Har bar ye kehtey hain ke " bethein ge kisi din "
Aye jaan teri yaad ke benaam parindey
Shakhoon pe merey dard ke utrein ge kisi din
Jati hai kisi jheel ki gehraai kahan tak
Aankhoon main teri doob ke dekhein ge kisi din
Khushboo se bhari shaam main jugno ke qalam se
Ik nazm tere naam likhein ge kisi din
Khushboo ki tarah , misle saba ,khuwaab numa se
Galiyoon se tere shehr ke guzrein ge kisi din
Subscribe to:
Post Comments (Atom)
No comments:
Post a Comment